Депутатхэр министракIэм нэIуасэ фэхъугъэх

Республикэ парламентым изэхэсыгъо хэлэжьагъ Адыгэ Республикэм хэгъэгу кIоцI IофхэмкIэ иминистракIэу агъэнэфэгъэ Олег Безсмельницыныр.

Депутатхэр ащ фэгушIуагъэх ыкIи республикэм законыр, хабзэр къыщыухъумэгъэнхэмкIэ гъэхъагъэхэр ышIынхэу фэлъэIуагъэх.

Олег Безсмельницыным къыIуагъ депутатхэр къызэрэфэгушIуагъэхэм фэшI зэрафэразэр. Ащ къыхигъэщыгъ республикэм зыпкъитыныгъэ илъыми, гумэкIыгъохэри, Iоф зыдэшIэгъэн фэе Iофыгъохэри зэрэщыIэхэр.

Джащ фэдэу министракIэм къыкIигъэтхъыгъ мэфэкI мафэхэу Адыгеим икъушъхьалъэхэм цIыфыбэ къызыщыкIощтхэм рэхьатныгъэр, ахэм ящынэгъончъагъэ къэухъумэгъэнхэм зэрэфэхьазырхэр.