Фыщт зэфищагъэх
19.08.2023 12:43
Фото: пресс-служба главы Республики Адыгея 
Читать в Дзен
Читать в Одноклассниках
Читать в MAX
Читать в ВК
Адыгэ Республикэм и ЛIышъхьэу КъумпIыл Мурат кIэщакIо зыфэхъугъэ ныбжьыкIэ зэхахьэу «Фыщт-2023» зыфиIорэм хэлажьэхэрэр Адыгеим ичIыпIэ анахь хьалэмэтхэм ащыщ щызэIукIагъэх. Мыгъэ ащ нэбгырэ 400 зэфищагъ.
Шъолъыритфымэ — Къэбэртэе-Бэлъкъарым, Къэрэщэе-Щэрджэсым, Краснодар краим, Адыгэ Республикэм ыкIи, мыгъэ апэрэу, Къалмыкъым ащыпсэурэ ныбжьыкIэхэу сэнаущыгъэ зыхэлъхэр къушъхьэу Фыщт зэфищагъэх. Ащ ыпэкIэ Мыекъуапэ изекIо чIыпIэхэм афэгъэхьыгъэ проектэу «Мые», драматургэу Евгений Шварц епхыгъэ зекIо лъагъохэу Мыекъуапэ иIэхэм ныбжьыкIэхэр ащагъэгъозагъэх. Къэлэ паркым итарихъ, Шъхьэгуащэ инэпкъэу агъэкIэжьыгъэм нэIуасэ афашIыгъэх.
Зэхахьэм къыхиубытэрэ Iофтхьэбзэ зэфэшъхьафхэм ахэр ахэлэжьэщтых — къушъхьэ тIуакIэмэ арыкIощтых, псы гъэхъунэмэ анэсыщтых, Адыгеим икъэралыгъо къулыкъухэм япащэхэм аIукIэщтых. Республикэм и ЛIышъхьэу КъумпIыл Мурат ныбжьыкIэхэу Iофтхьабзэм зэфищагъэхэм яуахътэ гъэшIэгъонэу, шIуагъэ хэлъэу агъэкIонэу афиIуагъ.
НэIуасэ зэфэхъунхэмкIэ, ягукъэкIхэмкIэ зэхъожьынхэмкIэ, ясэнаущыгъэ къагъэлъэгъонымкIэ, щыIэныгъэм щыпхырагъэкIы ашIоигъэ IофтхьабзэхэмкIэ хэбзэ IофышIэхэм упчIэжьэгъу афэхъунхэмкIэ мыщ фэдэ зэхахьэм мэхьанэшхо зэриIэр ЛIышъхьэм хигъэунэфыкIыгъ.
