Майкоп 03 апреля, 00:00:00 12 °C

Курс ЦБ РФ на 04.04: 84.38 93.16

ШIагъэу щыIэхэмрэ зэшIохыгъэн фаехэмрэ

Фото: пресс-служба главы Адыгеи
Общество
Автор: Адыгея Сегодня Читать на Яндекс.Новости

Адыгеим и ЛIышъхьэу КъумпIыл Мурат АР-м и Апшъэрэ хьыкум и Президиум иигъэкIотыгъэ зэхэсыгъо хэлэжьагъ. Мы Iофтхьабзэм 2023-рэ илъэсым республикэм ихьыкумышIхэм Iофэу ашIагъэм икIэуххэр щызэфахьысыжьыгъэх ыкIи 2024-мкIэ зэшIуахын фэе пшъэрылъхэр щагъэнэфагъэх.АР-м и Къэралыгъо Совет – Хасэм и Тхьаматэу Владимир Нарожнэр, общэ юрисдикциемкIэ Ящэнэрэ апелляционнэ хьыкумым итхьаматэу Евгений Кузиныр, федеральнэ инспектор шъхьаIэу Сергей Дрокиныр, АР-м и Прокуратурэ, ФСБ-м и ГъэIорышIапIэу Адыгэ Республикэм щыIэм, АР-м и МВД, Следственнэ комитетым иследственнэ гъэIорышIапIэу Адыгеим щыIэм, МЧС-м и гъэIорышIапIэу Адыгэ Республикэм щыIэм, АР-м и Арбитражнэ хьыкум, республикэм и Очылхэм япалатэ, Мыекъопэ гарнизон дзэ хьыкумым япащэхэр зэхэсыгъом хэлэжьагъэх. Iофтхьабзэр зэрищагъ Адыгеим и Апшъэрэ хьыкум итхьаматэу Шумэн Байзэт.

ЗэIукIэгъум хэлажьэхэрэм шIуфэс къарихызэ Адыгеим и ЛIышъхьэ къыхигъэщыгъ хьыкумышI системэм мэхьанэшхо зэриIэр. Къэралыгъом ылъапсэхэм ар зыкIэ ащыщ, цIыфым ифитыныгъэ­хэмрэ ишъхьафитыныгъэрэ мыукъогъэн­хэмкIэ цыхьэшIэгъу амалхэр къетых.

Республикэм и ЛIышъхьэ къызэриIуа­гъэмкIэ, социальнэ-экономикэ ыкIи общественнэ-политикэ Iофыгъохэм язэшIохын хьыкумхэм яIофшIэн зэрэзэхэщагъэм бэкIэ епхыгъ, IофшIэнымкIэ ыкIи нэмыкI лъэныкъохэмкIэ Адыгеим иIоф­хэм язытет ащ ифэмэ-бжьымэ гъэнэфагъэ къытырехьэ. КъумпIыл Мурат республикэм ихьыкумышIхэм, анахьэу етIани АР-м и Апшъэрэ хьыкум итхьама­тэ Iофэу ашIагъэм осэшхо къыфи­шIыгъ.

«Социальнэ лъэныкъом епхыгъэ Iоф­хэм хьыкумышIхэм лъэшэу анаIэ зэратырагъэтырэм епэсыгъэ осэшIу фэшIыгъэн фае. Мафэ къэс хьыкумышIхэм зэрахьэрэ Iофтхьабзэхэр зыфытегъэ­псыхьагъэхэр къэралыгъом ылъэныкъокIэ зэрэухъумагъэхэр цIыфхэм зэрэзэха­шIэрэр джыри нахь гъэпытэгъэныр ары. Джащ тетэу хьыкумышI системэм хэбзэгъэуцугъэр укъуагъэ мыхъуным, цIыф­хэм хьыкумхэм ыкIи къэралыгъо хабзэм цыхьэу афашIырэр гъэпытэгъэным иIа­хьышхо ахешIыхьэ», — къыIуагъ КъумпIыл Мурат.

Республикэм и ЛIышъхьэ джащ фэдэу ипсалъэ щыхигъэунэфыкIыгъ лъэпкъ проектхэр, къэралыгъо программэхэр, инвестиционнэ ыкIи инфраструктурнэ проектышхохэу зекIоным, промышленностым ыкIи социальнэ лъэныкъом япхыгъэхэр Адыгеим гъэцэкIагъэ зэрэщыхъу­хэрэр. Республикэм ипащэ зэрилъытэрэмкIэ, правовой системэ гъэнэфагъэу щыIэм шIуагъэу къытырэм пыдзагъэу ахэр зэкIэ зэшIохыгъэ мэхъух.
Адыгеим и ЛIышъхьэ шъхьафэу къыз­щыуцугъэхэм ащыщ Урысыем хьыкумышI реформэр зыщырекIокIыгъэм ия 160-рэ илъэс мыгъэ зэрэтефэрэр. Хэгъэгум иправосудие ащ лъапсэ фи­шIыгъ. Пшъэ­рылъэу щытхэм къатегущыIэ зэ­хъум республикэм ипащэ къыхигъэщыгъ хэгъэгум и Президентэу Владимир Путиным джырэ чIыпIэ гумэкIыгъоу ты­зэ­рытым хэгъэгум ихьыкумышI ыкIи иправовой системэ Урысыем ихэхъоныгъэ имызакъоу, къэралыгъор щыIэным­кIи мэхьанэшхо иIэу зэрилъытэрэр.

«Непэ хьыкумышI къулыкъухэм япшъэ­рылъыр конституционнэ гъэпсыкIэм ылъапсэхэр зэщымыкъонхэм, экономикэмрэ правэмрэ япхыгъэ Iофыгъохэр зыкIыныгъэ ахэлъэу къаухъумэнхэм, цIыфым ифитыныгъэхэмрэ ифедэхэмрэ укъуагъэ мыхъунхэм анаIэ атырагъэтыныр ары», — къыIуагъ ЛIышъхьэм.

ИкIэухым КъумпIыл Мурат къыхигъэ­щыгъ республикэм ихьыкумышIхэм яIофшIэнкIэ джыри гъэхъэгъакIэхэр зэ­рашIыщтхэм, хэгъэгум икъэралыгъо гъэпсыкIэ гъэпытэгъэным, Адыгеим ыкIи Урысые Федерацием яхэхъоныгъэ нахь зегъэушъомбгъугъэным яIахьышхо зэрэхашIыхьащтым ицыхьэ зэрэтелъыр.
Ащ нэужым къэгущыIагъ АР-м и Апшъэрэ хьыкум и Тхьаматэу Шумэн Байзэт. Ащ къыхигъэщыгъ ИнтернетымкIэ цIыфэу закъыфэзгъазэхэрэм япчъа­гъэ нахьыбэ зэрэхъурэр: илъэсэу икIыгъэм ясайт нэбгырэ мин 65,4-м ехъу къихьагъ, сервисэу «электрон правосудиер» зыфиIорэм щагъэунэфыгъ нэбгырэ мин 1,8-м ехъумэ къэлэ ыкIи район хьыкумхэм, зэгъэшIужь хьыкумышIхэм яучасткэхэм закъыфагъэзагъэу.

Зэхэубытагъэу къэпIон хъумэ, федеральнэ ыкIи республикэм изэгъэшIужь хьыкумышIхэр административнэ хэбзэукъоныгъэхэм афэгъэхьыгъэ уголовнэ, граждан, административнэ Iоф мини 120-м ехъумэ ахэплъагъэх. Обществэм хьыкумхэм цыхьэу афашIырэм хэхъо, цIыфхэм яфитыныгъэхэмрэ яфедэхэмрэ якъэухъумэни нахь шIуагъэ къытэу зэхэ­щагъэ хъугъэ.

Апшъэрэ хьыкумым ипащэ осэшхо къыфишIыгъ АР-м ихьыкумышI системэ иветеранхэм я Совет итхьаматэу Трахъо Аслъан Iофэу ышIагъэм. Хэгъэгум ихьыкумышI анахь дэгъухэм зыкIэ ащыщэу ветеран сообществэм иIофшIэн алъы­тагъ.
Зэхэсыгъом илъэхъан Ящэнэрэ апелляционнэ хьыкумым итхьаматэу Евгений Козиныр къэгущыIагъ. Ащ республикэм ихьыкумышIхэм илъэсэу икIыгъэм Iофэу ашIагъэм осэшIу къыфишIыгъ, пшъэрылъхэу къапыщылъхэм къапкъырыкIызэ игъоу ылъэгъурэ Iофтхьэбзэ заулэхэми къащыуцугъ.

АР-м и Къэралыгъо Совет – Хасэм и Тхьаматэу Владимир Нарожнэм ишIу­фэс гущыIэ ыуж хьыкумышIхэм ыкIи район хьыкумхэм ащылажьэхэрэм ведомствэ тынхэр аратыгъэх.

Общество

В столице Адыгеи снизилось число дорожных аварий по итогам 2024 года

В столичной мэрии обсудили состояние аварийности

03.04.2025 17:47

В Точке кипения МГТУ обсудили искусство презентации молодёжных проектов

Студенты и школьники участвуют в конкурсе «Воплоти свою мечту!»

03.04.2025 17:04

В МФЦ Адыгеи в 2024 году обратились свыше 445 тысяч человек

В службу телефонной поддержки поступило 122 500 звонков

03.04.2025 16:37

В Майкопе участок гравийной дороги на улице Луговой заасфальтировали

К нормативному состоянию привели более 400 метров

03.04.2025 16:30

Новости

В столице Адыгеи снизилось число дорожных аварий по итогам 2024 года

В столичной мэрии обсудили состояние аварийности

03.04.2025 17:47

«Дружба» открывает футбольный сезон в Майкопе матчем с одним из лидеров

ФК «Севастополь» выиграл в первых двух турах первенства

03.04.2025 17:31

В Точке кипения МГТУ обсудили искусство презентации молодёжных проектов

Студенты и школьники участвуют в конкурсе «Воплоти свою мечту!»

03.04.2025 17:04

В МФЦ Адыгеи в 2024 году обратились свыше 445 тысяч человек

В службу телефонной поддержки поступило 122 500 звонков

03.04.2025 16:37

Статьи

Губернатор Кубани отметил вклад «Ростелекома» в развитие цифровизации края

Вениамин Кондратьев и Сергей Поляков провели рабочую встречу

01.04.2025 13:48

«Солар» совершенствует технологии защиты детей от веб-угроз для подписки «MiXX Вместе»

Семейная подписка представляет собой набор из 17 развивающих цифровых сервисов для детей

28.03.2025 13:31

«Ростелеком» за прошлый год охватил оптикой более 10 тыс. домохозяйств Адыгеи

Пользователи чаще всего выбирают пакетные предложения

27.03.2025 12:09

Нижний в страхе: премьера ретродетектива «Злые люди» на Wink.ru — 27 марта

В основном детектив снимали там, где и разворачивались события

25.03.2025 16:52

Фоторепортажи

Прогулка по вечернему парку «Краснодар». Фоторепортаж

В темное время суток парк Сергея Галицкого удивительно красив

23.03.2025 15:34

Как выглядит Японский сад Сергея Галицкого зимой 2025 года. Фоторепортаж

Чудо кубанской столицы любезно распахнуло свои двери

03.03.2025 16:32

Где проходили съёмки сериала «Натали и Александр». Фоторепортаж

Любовь Пушкина и Натальи Гончаровой - одна из самых известных и драматичных историй XIX века

19.02.2025 14:08

Новый год в елочных игрушках. Фоторепортаж

В разных странах отличаются не только традиции его празднования, но и даты

19.01.2025 17:24